ما تسمعيش كلامه ؟؟؟

 ماتسمعيش كلامه''''''''''''''''''
فى الأول نظرة وتسبيلـــهْ وكلام معسول
وبلهفة يقولك وحشانى ,تقوليله معقـول؟
ويعيد ويزيد فى كلام محفوظ
يغلط .. يتأسف.. تقوليله عذرك مقبـــول
وفجــأة تلاقيكى فى مرة بتتمشى
وتشوفى كم واحدة مع الباشا
والكلمة على لسانك تهرب والفرحة ف عينك تتلاشى
تقوليله مين دول؟ هيقولك دول زى اخواتى
وعلى فكرة الموضوع كالأتى
من غير ولا كلمة تقاطعيه هيقولك غلطة ويتأسف
ندمان ويحاول يتفلسف والكدب فى عينه تشوفيه
ترجعى على بيتك ندمانة مكسورة ضعيفة وزعلانة
تتمنى تنسى اللى ما بينكو وكأنك ولا يوم شوفتيــــه
قصة ويوماتى بتتكرر ومحدش فينا بيتعلم
ولا حد يفكر ويقرر ونرجع من تانى و نتألم
وتــِعدّى الوقت اللى ما بينكو وتزهقى مـ العَد
انا لازم اقولك ملحوظة قبل ما تجرى دموع عالخد
مش كل اللى يقولْها "بحبك"بيحب بجد

نهرو العزازى