سبع انواع من الرجال ماتحاوليش ترتبطى بيهم او تتجوزيهم

سبع انواع من الرجال ماتحاوليش ترتبطى بيهم او تتجوزيهم 

شكاك

                                                               
                                                                   البخيل 

بصباص 

:
1- اللى بيحط لقب قبل أسمه eng او Dr او acc دى ناس بتعلق شهادتها فى الصاله و يفضل كل شويه يعايرك بدبلوم الصنايع بتاعك .. و عايش فى دور اسحاق نيوتن اللى بيفهم اكتر منك ... نقص و بيحاول يخبيه بحته ورقه مالهاش لازمه ما يعرفش أن النجاح الحقيقى فى الحياه نفسها !!!

2- المحترم زياده عن اللزوم ... ده بالذات تحطيه فى الفريند زون لحد ما يعفن هناك او يجيله شلل رعاش... محترم إيه بس وسط الزحمه دى و الاجرام و الطوابير دى القطه بتاكل عشاه .. انتى محتاجه ديناصور مجنح علشان يجيبلك حقك فى الدنيا دى

3- ابن امه .. ده دلدول مالهوش لازمه فى الحياه... طحلب متنكر فى صوره راجل مالهوش رأى او مبدأ .. ماشى ورا اختيار امه دايما" و عمره ما اعترض عليها .. الفوطه بتاعه المطبخ اهم منه و ممكن تعترض و هو ما يعترضش

4- البصباص .. ده خاين بالفطره و متجوزك علشان ياخد راحته فى الخيانه و يستخبى فى علاقته الزوجيه بيكى و مش هتعرفى تعالجيه من عضه الكلب دى ... ده ممكن يخونك فى اى لحظه مع إى واحده معفنه متسواش قرش

5- الشكاك ... ده اوسخ فئه فى الرجاله و هيحول حياتك لجحيم و يحاصرك بشكوكه و يقتلك و يقتل نفسه بامراضه النفسيه و كلاكيعه .. و مش مستعد يمنحك إى ثقه مهما كنتى مخلصه ليه لانه شكاك بيعذب نفسه قبل ما يعذبك
6- البخيل ... بصى ده ميت اصلا" و مش هتشوفى معاه لحظه سعاده ابدا" و الجنيه اللى بيخرج من جيبه بيتكتبله عمر جديد .. ولا هتشوفى فسح او خروجات او فساتين معاه ... يدوب مصاريف البيت هتحصليها منه بالخناق و مايعرفش عن حاجه أسمها مفأجات او هدايا او سهره جميله .. كائن بخيل متقوقع مدمر نفسه ببخله

7 - المهمل .. لو مش فارق معاكى حاجه و عاوزه دكر بط و خلاص اتجوزيه .. لا هياخد باله من مشاعرك او يحاول يفهمك .. عايشين فى بيت واحد لكن غريب عنك و انتى حاجه مش مهمه فى حياته .. هو اتجوزك علشان يحسن مظهره الاجتماعى و يلاقى واحده تخدمه و تغسل هدومه لكن عمره ما ياخد باله من احتياجاتك او يحاول يحسسك بوجودك !!!!